GoGo Blog

Төрийн албан хаагчаас авахуулаад Дубайд газар авах, улс төрийн цангалтын тухайд...

http://xacap.blog.gogo.mn — Tue, 16 Mar 2010 16:18:35 ULAT

Саяхандаа хацар нь болцойж хамар нь чихэгдтэлээ таргалсан нэг нөхөр телевизээр би төрийн албан хаагч 200 мянган төгрөгний цалинтай, 100 мянган долларын машинтай гээд л баярхаад байгаагүй билүү. Тэр рекламан дээр дутуу хэлчихсэн юм шиг санагдаад хардаад байгаам энэ авлигатай тэмцэх газар юу хийж байна. Ойрдоо би том том юм ярьж бодож сэтгэж бааж шээж явах нь ч хаашаа юм явдаг болоод байгаа. Том ярьсан хүүхэд байлаа би... гээд цоровгор уруулт Никитоны Бачка ахын дуу байдаг даа.

Надаас бусад төрийн албан хаагчид нь яаж баяжаад байгаа талаар судалгаа шинжилгээ хийж хийж арга мухардлаа. Явж явж би шийдлээ 200 мянгад нь тааруулж ажилаа чөлөөт цагаараа хийдэг болъёоо гэж...

Яаж шуухан Тоёото, Сузуки компаниуд шиг робот хийчихдэг юм билээ, яаж шуухан Монголоо кибер ертөнцийн хөгжлийн нэгэн төв болгох вэ ч гэх шиг...

Энэ Спирт бал бурам ХХК чинь үдэшлэг зохиож гэнээ. Мань мэтийгээ урихгүй ёстой гомдолтой байгаам шүү. Энэ хэдэн үйлдвэрүүдийг чинь 76-гаасаа илүү би л хөл дээр нь босгож эргэлтийн хөрөнгөтэй болгож байгаам шүү дээ. Спирт бал бурам ХХК-гийнхаан сонсож бай би өнөөдөрөөс эхлээд улс төрийн цангалт зарлаж, нэг ч 100 грамм пиво уухгүй та нарыгаа хохироохоос доо...

Ерөөсөө утаатай Улаанбаатартаа унгас алдаж угаартаж суухаар Дубайд очоод газар авий гэж шийдлээ. Тэнд чинь лаг лаг байшин савнууд ашиглалтанд орчоод байхын. Тэнд бас л надтайгаа таарчихсан газрын албаны нэг нөхөр авлига гэцэн сууж юуны магад. Гүүгл ийртээр Дубайг харахад бол бараг л хов хоосон шахуу байна лээ ш дээ. Ядаж нэг амбаар бариад түүхий эд авах цэг ажилуулдаг юмуу хаашаа юм. Яадын цус...

Бид боддогийн хааяа. Ямар нэгэн юмнаас ч болтугай шагнал авчих юмсан тэмцээнд түрүүлчих юмсан гээд. Хүмүүс шохоорхохгүй сонирхохгүй тэмцээн уралдаан өөрөө зохиож аврага болдиймуу. Монголын царай муутнуудын мисс шалгаруулах тэмцээн ч болтугай зохиож мисс болий байз. Үгүй ээ бүтэхгүй юм байна аягүй л бол ХХААЯ-ны сайдаас авахуулаад ТВ9 телевизийн мэдээ уншдаг залуу, Irish-ийн захирал залуу гэх мэтчилэн би мисс болно гээд дайраад байх юм байна өө лай лай лай

Ханиад томуу, эмнэлэгийн байдлаас илүү Оюутолгойг анхаарах цаг болжээ

http://xacap.blog.gogo.mn — Thu, 11 Mar 2010 14:55:53 ULAT

Оюутолгойн гэрээ батлагдаж сүр дуулиантай гарын үсэгнүүдийг хайр найргүй бичилцсэн цаг саяхан. Би бээр гэрээ батлагдахыг дэмжиж байсан хүний нэг мөнөөсөө мөн бөгөөд энэ гэрээ батлагдсанаар манай улсын эдийн засаг, инженерүүдийн боловсрол гэх мэтчилэн зүйлүүд дээшлэх боломжтойг дурьдаж байлаа. Гэтэл энэ Канадын нөхөдүүд чинь техник эдийн засгийн үзүүлэлт гаргахдаа харин ч нэг үнэн царайгаа ил болгох гээд байх шиг байна. Ханиад томууг эмчилээд анагаачихна, эмнэлэгүүдийг засаж сэлбээд шинээр бариад болчихно. Гагцхүү бидний цаашид хэрхэн амьдрахыг шийдэх Оюутолгой төсөлд хайнга хандаж боломгүй юм шиг санагдах юм.

Жорлонгийн нүх ухаж үзээгүй хэрнээ уул уурхай ярьж суух хээнцэрлэх улс амьтан Туулийн бургасаар нэг дүүрч ядарсан Монголын дархлаагүй иргэдийн тархыг угаасаар л байх уу. Гэрээ батлагдангуут хүрзээ бариад газраа ухаад мөнгө олоод эхлэх юм шиг сэтгэж эх орны хишгээр Эрээн хотыгоо цэцэглүүлэн хөгжүүлсэн улс төрчид маань хөөрхий. Сая таван зууд хууртан саналаа өгсөн өлсөглөн, оюуны дархлаагүй ядарсан иргэд маань далан мянгын сургаар хөлдөж үхтэлээ зогслоо доо.

Оюутолгой төслийн техник эдийн засгийн үзүүлэлт гээч зүйлд тусгаснаар бол бид 5 ханатай гэрт амьдарч, ус халаан биеэ ариутган, гал түлж дулаацах юм шиг байгаа юм. Эрдэнэтийг байгуулсан шиг үлгэр жишээ зүйл Оюутолгойд нэгээхэн ч үгүй нь харамсалтай. Эрдэнэт үйлдвэр хотыг байгуулалцаж явсан ахмад эдийн засагчид, инженерүүдийн үгээ сонсооч гэж зөвлөмөөр байх юм. Зөвлөгөө даанч авах дургүй зөв буруугүй ухаантнууд Оюутолгой гэдэг үгийг ашиглаад олон ч юм цааш нь харуулж байна даа. Эцэст нь улсаа битгий л худалдчихаасай даа хөх тэнгэр минь.

АДМИРАЛ

http://xacap.blog.gogo.mn — Thu, 4 Mar 2010 16:24:06 ULAT

Сибирийн ерөнхий командлагч хаант Орос улсыг дахин мандуулах чин эрмэлзэлтэй байсан Адмирал Александр Васильевич Колчакийн амьдралынх нь сүүлчийн өдрүүдийг харуулсан сайхан кино болжээ. Улаантанууд хэрхэн алан хядлага хийж байгаа мөн цэрэг хүн ямар байх ёстой талаар их сайхан дүрсэлж харуулжээ. Надад таалагдсан дүр гэвэл Сергей Безруковын тоглосон дүр их таалагдлаа. Танхай балмад этгээдүүд төрийн эрхэнд гарч коммунист лагерь үүсгэсэн энэ түүхэн үйл явдалыг би үнэнээсээ үзэн яддаг. Романовын удамынханы эсрэг Европын улс орнууд хэрхэн хуйвалдаан зохиосон талаар дараа би тусдаа бичлэг оруулна. За ингээд тухлан сууж киногоо үзээрэй :)

АДМИРАЛ ТАТАХ

Мобикомынхоон луйвараа зогсоо !!!

http://xacap.blog.gogo.mn — Thu, 25 Feb 2010 17:13:17 ULAT

Мобикомын сурталчилгааг санаж байгаа бол сүлжээндээ 45₮, бусад сүлжээнд 75₮ төгрөг гэсэн байдаг даа. Би энэ сар сүлжээндээ 120 минут ярьжээ. 120минут*45₮=5400₮ гарах жишээтэй гэтэл бодит байдлыг та нар зургаас хардаа. За тэгээд бусад сүлжээ рүү ярьсан минутанд тохирсон мөнгөний дүн нь гэж худлаа л болоод байх юм. Мобикомынхоон луйвараа зогсоо !!!

Rammstein - Pussy хориотой клип үзэцгээ

http://xacap.blog.gogo.mn — Thu, 25 Feb 2010 14:13:37 ULAT

Бар жилийн барцадтай хүүхэд

http://xacap.blog.gogo.mn — Fri, 19 Feb 2010 13:28:12 ULAT

Хүмүүс өөрт тохиолдсон гай зовлонг хувь зохиол, бурхан тэнгэр, юунд ч хамаагүй тохох гэдэг мөртөө өөрийгөө цэвэр үлдээдэг ажээ. ПЛАТОН

90 оны ардчилсан хувьсгалын бидэнд өгсөн ганц том ололт бол хүн өөрийнхөө хийж чадах ажил хөдөлмөрөө шударгаар үнэлүүлж чадлынхаа хэмжээгээр сайхан амьдрах явдал мөнөөсөө мөн. Гэтэл зарим нэг хэсэг нь өөрийнхөө дорой байдлаасаа болоод муу яваагаа, бүтэлгүй амьдралаа дээрхи Платоны хэлсэнчлэн юунд ч хамаагүй тохох гэж оролдоно. Оны өмнөхөн өнөөх хэдэн мэргэн төлөгч, зурхайч, ламч бурхан нар чинь бар жилд төрсөн хүүхдэд үхэшгүй мөнхийн босоо ороолон, арван таван толгойтой атгаалжин хар мангас төрөх лугаа адил элдэв төрлөөр нь цоллоод эхэллээ. Үр дүнд нь өөрт тохиолдсон гай зовлон хувь зохиолоосоо бултах гэсэн ухвар мөчид аав ээжүүдийн урагшгүй шийдвэрүүд. Хугацаанаасаа өмнө төрөх гэсэн эхчүүдийн тоо эмнэлэгээр дүүрэн дараалал үүсгэв бололтой.

Одоо хэдүүлээ бага ангийн сурагчидын тоо бодъё. Манай гаригийн зургаан тэрбум хүнийг арван хоёр жилд хуваан дунджаар нэг жилтэй хэдэн хүн байгааг тооцоолъё. Үр дүн нь таван зуун сая хүн болж байна. Тэгвэл манай хэдэн мэргэн төлөгч, зурхайч, ламч бурхан нарийнхаар бол бар жилд төрсөн гэж болох ойролцоогоор таван зуун сая хүн нь Африкийн хатмал цөлд, Гайтид газар хөдлөлтөн дунд, Израйль, Ирак, Афган гэх мэт дандаа бүтэлгүй газруудаар амьдардаг юм байх. Бар жилдээ яах ч аргагүй төрчихсөн хүүхэдийнхээ зам мөрийг нь сайн тэгшилж ном сайн уншуулаа гэж багшийнхаа бурханыг хулгайлж Гандангаас хөөгдсөн, өөрийн хийдээ байгуулж хамба ламаар нь тодорсон лам гуай хэлж байна лээ. Эцэст нь бар жилд төрсөн барцадтай хүүхдэдээ баахан ном уншуулж зам мөрийг нь тэгшлэх ёстой юм биз дээ зайлуул.

Сонсохлээр л 10 жил минь бодогддог юм

http://xacap.blog.gogo.mn — Thu, 18 Feb 2010 14:27:40 ULAT

Аруун жилээ гэж... Дууг татаж авахаар бол энд дараарай.

Эзэн богд Чингис хааны угсаа залгамжлагч эрхэмсэг хун тайж ноён П.Давааням танаа өчиг өчих ину

http://xacap.blog.gogo.mn — Fri, 12 Feb 2010 12:29:36 ULAT

Талын язгууртан Монголчуудын

Эр эм хөгшин залуугүй бүгд цэрэг болон хүмүүжиж

Нутаг ус гал голомтоо сахин хамгаалах бөлгөө

Чингисийн төмөр түмэн морин цэргүүд

Тэнгэрээс газарт бууж

Тэдний догшин хаан XXI зуунд ахин төрснөөр

Монгол улс дахин хүчирхэгжин мандаж

Дэлхий ертөнцийг жаргалтайгаар хаанчлах цаг нь болсоныг угсаа залгамжлагч эрхэмсэг хун тайж ноён П.Давааням та мөхөс боол надаар хэлүүлэлтгүй мэдэх буй зай.

“Мөнх тэнгэрийн хүчин дор наран ургахуй зүгээс наран шингэх зүг хүртэл бүх газар орон бидний ивээлд орсон…. Одоо та нар иргэн чинь болж эд торго бүхнээ өгье гэвээс зохино…. Энэ үеэс эхлээд та нарыг эвгээл дороо орсон хэмээн үзсүгэй. Хэрвээ та нар тэнгэрийн бошгийг үл даган ману зарлигийг зөрчивөөс дайсан минь болъюу… юу болохыг гагцхүү тэнгэр мэдтүгэй…аюутугай, биширтүгэй” хэмээн угсаа залгамжлагч эрхэмсэг хун тайж ноён П.Давааням таны эцэг өвгөд юутай омголон, юутай сүр бадруулан байсаныг өчүүхэн боол би тэнгэр газрын савслагад тунхаглан зарламуй.

Одтой тэнгэр орчиж
Олон улс төрч нар хямралдаж байна
Орондоо унтаж хөрвөөх ч завгүй
Олзлолдон хэдэн "толгойг"булаалдаж байна
Хөрст дэлхий хөрвөж
Хөвчин улс эдийн засгаар хямраж байна
Хөнжилдөө унтаж бохь зажилах завгүй
Хөгжлийн орд газруудаа булаалдаж байх энэ үесд угсаа залгамжлагч эрхэмсэг хун тайж ноён П.Давааням таны Хамаг Монголынхоо төлөө халуун цус бүлээн амь, бүтэн биеэ үл огоорон Дэлхийн Чингис хааны засгийн газрынхаа хамтаар зүтгэх цаг нь болжээ. Хамаг олон мэдтүгэй…аюутугай, биширтүгэй.

Найман зууны тэртээх 1241 онд Өгөдэй хаан зарлиг буулгасны дагуу Эзэн богд Чингис хааны минь дүр буусан алтан энгэрийн тэмдэг, XXI зуунд угсаа залгамжлагч эрхэмсэг хун тайж ноён П.Давааням таны үүсгэн байгуулсан Дэлхийн Чингис хааны академаас гаргасан алтан үсэгт батламжийг өчүүхэн мөхөс боол миний бие авах нэн их оргилуун хүсэл байгаа тул хүлээн авч таалалдаа багтааж соёрхоно уу?

Туршиж үзэв ээ тэнэгүүдээ

http://xacap.blog.gogo.mn — Tue, 9 Feb 2010 16:37:07 ULAT

Эх сурвалж www.ganzo79.blogspot.com

Малчин болоод зээлээ цуцлуулъя

http://xacap.blog.gogo.mn — Wed, 3 Feb 2010 13:05:01 ULAT

Малчид намар орой болсон цагаар өвлийн бэлтгэлээ базаах гэж байгаа өмч хөрөнгө болох малаа барьцаалж зээл авчээ. Зээл авч өвөлжилтөндөө бэлтгэж байгаа нь тэдний буруу биш, хадлан авч өвөлдөө бэлтгээгүй тэдний ч буруу. Гэхдээ малчидаа муулахаа болиод саяхан болж өнгөрсөн УИХ-ийн эрхэм гишүүдийн ухаантай шийдвэрийг авч үзье. Малчидын зээлийн хүчингүй болгох шийдвэрийн цаана

Байгалийн эрс тэс уур амьсгалтай манай оронд мал шиг эрсдэлтэй барьцаа гэж үгүй. Банкууд ийм эрсдэлтэй барааг барьцаалж зээл олгож. Эрсдэлтэй зээл олгосон банкууд өөрсдөө хариуцлагаа үүрэх ёстой.
Манай улсын хамгийн олон салбартай банк бол ХААН банк билээ. Тэдний зээлийн эдийн засагч нар морь унаад малчидаар айлчилж өөрийн банкны үйлчилгээг үзүүлдэг. Малчидын авсан зээлийн дийлэнх хувь нь мэдээж ХААН банкных байж таараа. ХААН банкны лобби УИХ-ын эрхэм 76-д сайхан нөлөөлж дээ.
Эрсдэлтэй зүйл хийчихсэн банкууд эрсдэлээ өөрсдөө үүрэх ёстой яагаад татвар төлөгч бид хариулагыг нь үүрэх ёстой юм бэ?

Мэдээж ард түмэндээ хайртай дүр эсгэж нулимс дуслуулж бууцан дээр албаны хувцастайгаа хайр найргүй өнхөрөх нь холгүй байдаг гишүүдийн маань толгойных нь оронд ямааны толгойг байрлуулъя. Хоёр намын байшингаас удаан шийдэгдэж байгаа 4-р төрөх эмнэлэгийг яах вэ, энэ хотын утааг яах вэ гэх мэтчилэн өчнөөн олон асуудал байсаар байхад. Эцэст нь бидэнд малчин болоод төрийнхөө хайр энэрэлийг хүртэж суух л үлдэж л дээ. ИРГЭДЭЭ ЗЭЭЛЭЭ ЦУЦЛУУЛЦГААЯ

"Ухаалаг" иргэний үнэмлэх ба шудрага сонгууль

http://xacap.blog.gogo.mn — Tue, 2 Feb 2010 15:20:36 ULAT

Олон жилийн өмнөөс яригдаж байгаа ажлуудын нэг нь яахын аргагүй ''ухаалаг'' иргэний үнэмлэх билээ. Голлон ярьж байгаа хүн нь Сайханбилэг гээч эрхэм. Хүмүүс Сайханбилэгийн бизнес ч гэж ярьдаг гэхдээ би энд хэн нэгэний бизнес гэхээсээ илүү асуудлыг өөр өнцгөөс нь харах гэж оролдьё. "Ухаалаг" иргэний үнэмлэх гээч зүйл дотор нь тухайн иргэн хүний хаана хэзээ төрсөн, ямар банкинд данстай, ямар улсын бүртгэлтэй машин эзэмшдэг, хэдэн удаа хаашаа явсанаас авахуулаад хэдэн шүдтэй хэдэн хүүхэдтэй, хэрэг төвөгт орооцолдож ял шийтгэл авч байсан уу үгүй гэх мэтчилэн тухайн хүний далан булчирхайг тойчсон мэдээлэл агуулж байх юм. Бид эмнэлэгт үзүүлэх болгондоо өвчтөний карт гээч навсайсан дэвтэр барьж явах шаардлагагүй, төрийн албадуудаар ажил явдал хөөцөлдөх болгондоо тухайн бичиг баримтыг баталгаажуулах хэрэггүй болхоос эхлээд ач тустай зүйл энэ "Ухаалаг" иргэний үнэмлэх гээч зүйлд нэвт шингэчихэж болох юм.

"Ухаалаг" иргэний үнэмлэхийн хамгийн их ач тустай зүйл нь манай улсад яг одоо хэдэн хүн өөд болж хэдэн хүн хорвоод мэндэлж байна вэ, манай улс яг одоо хэчнээн иргэдтэй улс байна вэ гэх мэтчилэн урсаад л байх юм. Сонгууль болонгуут хүн амын тоо нь 3 сая болчихдог улс манайхаас өөр газар байхгүй. Эцэст сонгуулиа "Ухаалаг" иргэний үнэмлэхээ ашиглаж өгөх учиртай юм. Сонгуулийн үр дүн нь телевизээр шууд цацагдаад л тооллогын комиссын цахилгааныг таслаж сонгогчийн болон иргэний үнэмлэх дахин хэвлэдэг байдлыг арай дээр цэгцэлж болох талтай. Сонгуулийн хуудас тоолж байна гэсэн нэрийдлээр 2 хонодог байдлыг арилгаж эцэст нь шудрага сонгууль явагдах нь мөн үү.

Сансарын төлөөх тулалдаан

http://xacap.blog.gogo.mn — Thu, 28 Jan 2010 16:18:33 ULAT

Хүүхэд байхад амтархан уншдаг номнуудын нэг нь яахын аргагүй "Хүүхэд залуучуудын нэвтэрхий толь" байлаа. Уг номон дээрээс сансарын хөлөг анх зохион бүтээсэн инженер Королевийн тухай амтархан уншиж билээ. Анхны тийрэлтэт пуужин, анхны хиймэл дагуул, анхны сансарт ниссэн нохой, анхны сансарын нисгэгч гээд л бүх л зүйл анхных байлаа. Тухайн үедээ мэдээлэл хаалттай байсан учираас инженер Королевийн өрсөлдөгч нарийн тухай дуулаач үгүй байж билээ. Одоо харин цаг өөр болсон тул бид хүн төрлөхтөн ямар их хүч хөдөлмөр гарган хэрхэн сансар огторгуйн нууцыг тайлах их ажилд яаж шамдан хичээч ирсэнийг янз бүрийн мэдээлэлийн хэрэгсэлээр олж авч чадахаар болжээ. Их британы BBC телевиз Сансарын төлөөх тулалдаан хэмээх 4 ангиас бүрдсэн нэгэн гайхалтай шинжлэх ухааны баримтат кино бүтээсэн байна. Ингээд та бүхэний оюуны цангааг тайлж мэлмийг нээюү хэмээн сэтгэж энэхүү баримтат киног хүргэж байна. Зөвлөлт холбоот улсын инженер Королев, Нацист намын гишүүн хожим АНУ-ын иргэн болсон инженер Фон Браун хоёрын хооронд ямархуу өрсөлдөөн явагдаж байсныг энэхүү кино харуулах болно.

1-р хэсэг. Пуужингийн төлөөх тулалдаан. 1944-1949
Дэлхийн II дайны сүүлийн жилүүдэд Нацист намын гишүүн инженер Фон Браун V-2 пуужингийн төсөл дээр ажиллаж байлаа. Дайны дараах жилүүдэд Фон Браун АНУ-ын иргэн холбосоноор төсөлөө үргэлжлүүлэн хийх боломж олджээ. Инженер Королев Фон Брауны пуужингийн V-2 төслөөс санаа аван Зөвлөлт холбоот улсын анхны пуужинг зохион бүтээжээ...

1-Р ХЭСЭГ ТАТАХ №1
1-Р ХЭСЭГ ТАТАХ №2
1-Р ХЭСЭГ ТАТАХ №3
1-Р ХЭСЭГ ТАТАХ №4

2-р хэсэг. Хиймэл дагуулын төлөөх тулалдаан. 1953-1958
Хүйтэн дайны жилүүдэд инженер Королев R-7 Семёрка хэмээх байлдааны цэнэгт хошуутай пуужин зохион бүтээсэн байна. Уг пуужин нь АНУ-ын газар нутаг хүртэл нисэж 5 тонн байлдааны цэнэгт хошуу зөөх хүчин чадалтай байв. Нөхөр Хрушев зөвшөөрөл өгсөний дараа Королев уг пуужингийн ачааны хэсэгт дэлхийн анхны хиймэл дагуул СПУТНИК 1-ийг суурилуулан дэлхийн тойрог замд оруулж АНУ-ыг чичрүүлж байлаа. Инженер Фон Браун АНУ-ын засгийн газрыг ятгаж чадсаны үр дүнд Explorer 1 нэртэй хиймэл дагуулыг Зөвлөлт холбоот улсаас хоцорч дэлхийн тойрог замд оруулжээ. Оноо 1=1 боллоо одоо яах вэ?

2-Р ХЭСЭГ ТАТАХ №1
2-Р ХЭСЭГ ТАТАХ №2
2-Р ХЭСЭГ ТАТАХ №3
2-Р ХЭСЭГ ТАТАХ №4

3-р хэсэг. Амьд үлдэхийн төлөөх тулалдаан. 1959-1961
Хүйтэн дайны халуухан өрсөлдөөн дунд Зөвлөлт холбоот улс сансар огторгуйг судлах Восток, Америк улс Меркури хэмээх төсөл хэрэгжүүлж эхэлсэн байлаа. Энэ дайнд АНУ ялагдсан байлаа. Хүн төрлөхтөний хамгийн анхны сансарын нисгэгч нь Зөвлөлт холбоот улсын Юри Гагарин байлаа.

3-Р ХЭСЭГ ТАТАХ №1
3-Р ХЭСЭГ ТАТАХ №2
3-Р ХЭСЭГ ТАТАХ №3
3-Р ХЭСЭГ ТАТАХ №4

4-р хэсэг. Сар луу нисэхийн төлөөх тулалдаан. 1964-1969
Саран дээр хүн төрлөхтөний хамгийн анхны хөлийн мөрийг тамгалах дайнд Зөвлөлт холбоот улсад асар их гарз гарсан нь инженер Королев өөд болсон нь байлаа. Ингэснээс Зөвлөлт холбоот улсын сансар судлал эцэггүй манлайлагчгүй болсон байлаа. Цаашид үйл явдал хэрхэн болж өнгөрсөнийг...

4-ХЭСЭГ ТАТАХ №1
4-ХЭСЭГ ТАТАХ №2
4-ХЭСЭГ ТАТАХ №3
4-ХЭСЭГ ТАТАХ №4

Сансар огторгуйг судлах өнөөгийн эх үндэсийг тавьсан энэхүү хоёр инженер нь хүн төрлөхтөний түүхэн дэхь агуу инженерүүд байсан билээ.

Мохатма Ганди шиг бясалгал хийх ину

http://xacap.blog.gogo.mn — Wed, 27 Jan 2010 10:23:40 ULAT

Энэтхэгийн тусгаар тогтнолын төлөө цогтой тэмцэгч Мохатма Ганди болбоосу эх тайванч тэмцлээрэй дэлхийд нэрээ дуурсгасан хүн бөлгөө. Тэрээр долоо хоногийн нэг өдрийг хэнтэй ч юу ч ярилгүй чимээгүйхэн утсаа ээрч, ном гарчиглан бясалгал хийн суудаг байсан гэх юм. Мөхөс миний бие энэ алдартай хүнийг дуурайж нэг өдрийг хүнтэй ярилгүй тэвчин цээрлэж бясалгал хийе хэмээн бодлоол доо. Харин ямар өдөр ийнхүү бясалгал хийх вэ гэхлээр байна ш дээ. Найз нөхөд, албан газрынхантайгаа хэд гурван шингэн умдаанд хөлчүүхсэнийхээ маргааш энэхүү бясалгалыг хийхээр шийдлээ. Гэр бүлийнхэн яагаад ууж шоудсан талаар асуувал чив чимээгүй дүнсийн суух ину дор шартсан царайгаа үл ялиг инээмхийлэн суух нь хамгийн ашигтай хувилбар болой. Олон түмэн энэхүү бясалгалыг дор бүрнээ хичээнгүйлэн гүйцэтгэвээс зохилтой.

Хүн чанар зулгаах юм даа

http://xacap.blog.gogo.mn — Mon, 18 Jan 2010 16:31:20 ULAT

Лаларын коммунист дэглэмээс болоод одоо үеийн хэсэг нөхөд ингэж хэлэх дуртай болчиж дээ. "Одоо цагт бүх юм мөнгөөр хэмжигдэх болсон цагт" ч гэх шиг. Ёстой том тэнэгтэж афоризм гаргаж ирж байгаам хүн төрлөхтөн эд бараанаас авахуулаад олон зуун жил л худалдаа наймаа солилцоо арилжаагаар амьдарч байгаа шүү дээ. Гэтэл одоо хүртэл хуучин лаларын сэтгэлгээ нь хэвээрээ улс хамаг юмыг нь бэлдэж хоолой ам руу нь хахаж цацтал нь хийж өгөх ёстой юм шиг л байх юм. Үүний нэг жишээ нь өнөөх зарим нэгэнд нь гадуурхагдаад байгаа хөдөөний малчид.

Зун болонгуут л хэн ямар дээл өмсчихөв, хэн ямар хэт хутга хөөрөг зүүчихэв, хэн ямар малгай өмсчихөв гээд л тэнүүлчин золбин царайлж баахан наадам хэсэж архи ууж уучихаад намар цагтай золгоно. Тэгээд мэдээж өвөл болонгуут л улсаас тусламж гуйж өгөх ёстой юм шиг лалартахыг нь яана. Тэр туслаад байгаа өвс тэжээл, бензин, онцгой байдлын албан хаагчдын цалин хөлсийг чинь татвар төлсөн иргэдээс авдаг юм ш дээ. Хөдөөнийхөн татвар төллөө гэж та нар дуулсан уу. Би буруу санаагүй бол 90-өөд оноос хойш малчидад малыг нь өмч хувьчлалаар тараагаад өгчихөө биздээ. Яахлээрээ хувь хүний өмч хөрөнгөнд татвар төлөгчидөөс цуглуулсан улсын төсөв санаа тавих ёстой юм бэ. За болий тэгвэл манай байрны дээвэр цоороод гамшигийн байдалтай байна улсын төсвөөс гаргуулий гэвэл надад салаавч өгчихнө биз. Нэг зүүлэгдцэн тэнэг нь пизда Бид хөдөөнийхний бэлдэж өгсөн мах ногоог иддэг гэчих юмаа. Би буруу уншаагүй байгаа даа. Би энд ажил хөдөлмөр хийгээд олсон мөнгөөрөө мах авч иддэг, зун зусландаа тарьсан ногоогоо иддэг гээд хэлчүүл яах бол. Хотынхон зүгээр сууж байгаад л хөдөөнийхөний мах ногоо иддэг юм байна л даа.

За тэгээд эцэст нь хүн чанар зулгаах юм даа. Нэг өдрийн цалингаар минь 4 боодол өвс авч өгөх юм гэсэн. Хотод газар хөдөлж гамшиг болоосой хүний тусламж хараад хэвчих юмсан.

5 настай хүүхэд бөмбөр галзуу тоглож байх юм

http://xacap.blog.gogo.mn — Sat, 16 Jan 2010 14:27:31 ULAT

Миний мэдэх туйлшралууд...

http://xacap.blog.gogo.mn — Tue, 12 Jan 2010 13:08:59 ULAT

Халимаг үс моод байхад

Хар сарнай од байхад

Сэлбийн голд загас байхад

Санта барбара кино дуусаагүй байхад

Backstreet boys сураггүй байхад

Take that хамтлаг од байхад ийм ийм туйлшралууд болдог байлаа даа гэж...

- Олон улсын сансар судлалын төвийн (NASA) олон олон төслийг дампууруулах шахсан хэргийн эзэн хэнгэрэгийн дохиур бол яахын аргагүй Дашка ах маань байлаа. Ромбо гаригтай холбоо тогтоож өөрийгөө радио локацын төхөөрөмжөөс илүү гэдгээ баталж чадсан манай Дашка ах шүү дээ. Дээл нөмрөөд уулан дээр гараад ТВ антен шиг эргэлдэж өгч байх юм. Бүх мэдээлэлийн хэрэгсэлээр мэдээлэл цацагдаж золтой л CNN ирчихээгүй юмдаг.

- EAST 17 хамтлагийн энэ нэг гайтай дууны клипыг хаанаас ч юм бэ хэзээ ч юм олж үзчихээд тэргүүн дээрээ ноосон малгайг дөрвөлжилж өмсөөд гондрос ч билүү гуталаар гангардаг байлаа даа. Гудамжаар л дүүрэн дөрвөлжин толгойтой хүмүүс явж байлаа ш дээ.

- Өнөрөө эгч бол алаа хаясан ш д. Биеийнхээ хаанаас л бол хаанаас гал гаргах чадвартай. Хүрсэн бүхэн нь шатаж нтр X women юмуу хаашаа ч юм б дээ. Өнөрөө эгчийг Гинесийн номонд оруулах талаар ч яригдаж Шинжлэх ухааны академаас судалгааны баг томилогдож нтр хэхэхэ. Улсаас 2 өрөө байр өгөөд Анагаахын дээд сургуульд элсэлтийн шалгалтгүй оруулж нтр их ч дөвчигнөсөн дөө.

- За энэ их сүртэй юм болж байж билээ. Алтан цөгцний хэрэг гээд л. Нэг хөдөөний мангардуу баагий зурагтаар ингэж ярьж байсан юм. Нэг алтан цөгц алдагдсан юм байх тэрийг олж өгөхгүй бол Монгол байтугай дэлхийг харь гаригийнхан сүйрүүлнэ гэж баахан цуурав. Сурвалжлагч нтр бол аймар хөмсөг зангидаастай хүмүүсээ тэрийг нь олж өгий нтр гэцэн.

- Хотод орж ирээд удаагүй бас нэг хөдөөний мангар хүүхэн гэрэл чийдэн ч мэдэхгүй амьтан харь гаригийнхантай уулзаж учирсан над дээр туршилт хийсэн нтр гээд цуурч алдсанийг санаж байна уу нтр... За за ингээд дуусгий...

Барилгачидын 3-р гудамж 25-р байр 12 тоот

http://xacap.blog.gogo.mn — Tue, 29 Dec 2009 14:41:31 ULAT

Ленинградын гурван найз жил бүрийн 12-р сарын 31-ны орой саунд сууж хундага тулгадаг заншил тогтсон байдаг. Киноны гол дүрийн залуугийн кадр нь тасрахтай зэрэгцээд Москва орох онгоцонд сууснаар энэ киноны үйл явдал өрнөж эхлэнэ. Хамгийн гол будлианы эзэд нь хот төлөвлөлтийн газар байх тийм үү хоёр өөр хотод гудамж, байр нь ижилхэн бүүр хаалганых нь цоож нь хүртэл адилхан байлгадаг хнн. Шинэ он гарахтай зэрэгцэн санамсаргүй байдлаар учирсан хосууд хайр сэтгэлтэй болж кино төгсдөг. Тэгвэл энэ киноны 2-р ангид нь бас л ижилхэн үйл явдал өрнөх боловч энэ удаад аавдаа тус болох гэсэн хүүгийн ажиллагаа нь эцэстээ хоёр ч хосуудыг учиран золгуулдаг билээ. Итгэмээргүй боловч байж болох л тохиодол шүү дээ. Хувь тавилангийн даажигнал...

Киноны 2-р ангид Оросын одоо үеийн алдартай жүжигчид тоглосон байна лээ. Киноны дуунуудаас нь...

Дуу төрсөн түүх Pearl Jam-Jeremy

http://xacap.blog.gogo.mn — Thu, 24 Dec 2009 14:45:07 ULAT

Миний санал болгож байгаа дуу нь бодит үйл явдал юм. Техас муж улсын Ричардсон бага сургуулийн 15 настай сурагч Jeremy Wade Delle 1991 оны 1-р сарын 8-ны өглөө 09 цаг 45 минутанд Англи хэлний хичээл орж байх үед өөрийгөө Магнум гар буугаар буудан амиа хорложээ. Янз бүрийн таамаглал тухайн үедээ дэвшүүлж байсан бөгөөд энэхүү аймшигт хэрэг явдлыг сонссон бүх Америкчууд түгшин эмэгнэж байлаа.

Түүний дурсгалд зориулж Pearl Jam хамтлаг Jeremy хэмээх дууг зохиосон байдаг. Дуу цацагдаж эхлэсэн даруйдаа хит парадыг олон хоног тэргүүлсэн билээ. Мэдээж миний сонсож байсан, сонсож байгаа, сонссоор ч байх хамтлагуудын нэг бол яах аргагүй Pearl Jam юмаа. За ингээд энэхүү эмгэнэлт түүх дагуулсан дууг хүлээн авна уу.

″ Маргаадар би ганцаараа иймэрхүү наастартай бүжиглэдэгийм байгааз дээ″

http://xacap.blog.gogo.mn — Fri, 18 Dec 2009 17:21:26 ULAT

Шартсан хүний монолог

http://xacap.blog.gogo.mn — Wed, 16 Dec 2009 11:47:58 ULAT

Урт өдрийн наранд Умдаан болохгүй умдааныг

Ужиг холын замд Хоол болохгүй идээг

Урьсан зочилсон айлууд УУ хэмээн барив

Урьдын танил нөхөд Угж мээм шиг шахав... өчигдөр. Новшийн өдөр. Миний мэндэлсэн шөнө дөхөж байдаг. Яаж 2010-тай уулзана. Төсөөлөл хоосон. Хэзээ нэгэн цагт уйдана уухаас. Гэж худлаа ярих нь ч хаашаа. Юм. Шартсан толгой. Өвдөнө. Ямар ч хамаагүй юм хиймээр санагдана. Өрөөнд ялаа байхгүй. Байсан бол чамайг даа. Сонин хуйлж байгаад.

Цагаан гэгээ татаад цонхны цаана өглөө боллоо

Цалин буух сайн өдөр цагаа харан гэрээс гарлаа

Салхи исгэрч шороо шуурсан зэгэл саарал новшийн өдөр

Шартаж байна би....... гээд дуу цаад караокед чинь алга. Байна...